Размер шрифта: A A A
Цвет сайта: A A A A
Чоп этиш учун

Июнь ойида ғўзани парваришлаш агротехникаси бўйича тавсиялар

Бу йилги мураккаб об-ҳаво шароитида мўл ва сифатли пахта ҳосили етиштиришда барча агротехника тадбирларни оқилона ташкил этиш зарур. Чунончи июнь ойида ғўза қатор ораларига ишлов беришда энг аввало культиватордаги ишчи органлар сонига ва ишлов бериш чуқурлигига алоҳида эътибор бериш керак. Экин қатор ораси 60 см бўлганда культиватордаги ишчи органлар тўлиқ бўлиши лозим. Бундан ташқари чигит эрта экилган (5–15 апрелгача) майдонларда культивацияни озиқлантириш билан бирга ўтказиш, кечки ёки сел ва дўл таъсирида қайта экилган, нами юқори бўлган майдонларда ниҳолларни шикастлантирмаган ҳолда ишлов бериш зарур. Бунда ўртадаги ишчи орган чуқурроқ ўрнатилса, намлик тез йўқотилишига эришилади.

   Ш.Намозов

Ғалла ўрим-йиғими ва ерларни пешма-пеш шудгорлаш бўйича тавсиялар

Маълумки, даладаги ғалла ҳосили бирин-кетин эмас, бир пайтда пишиб етилади. Шу боисдан ҳам ҳосилни комбайнлар ёрдамида фақат бир ўтишда нест-нобудгарчиликка йўл қўймасдан ўриб-янчиб олинади. Чунки тўкилган донни қайта ердан йиғиштириб олишнинг сира иложи йўқ. Ғалладан бўшаган майдонлар сомондан тозаланиб, пешма-пеш шудгор қилинади. Демак, фермерлар, комбайнчилар, МТП раҳбарлари ва мутахассислари, сервис марказлари муҳандислари, ўрим-йиғим отрядларининг бошлиқлари ғалла ўрими ва шудгорлашга катта масъулият билан қарашлари лозим.

   М.Тошболтаев

Такрорий мош етиштириш бўйича тавсиялар

Мамлакатимизнинг тупроқ-иқлим шароити қишлоқ хўжалиги экинларини йил бўйи экиб, бир йилда 2–3 марта ҳосил олиш имконини беради. Шу боис суғориладиган ерларда кузги бошоқли дон экинлари ҳосили йиғиштирилиб олинганидан сўнг анғизда такрорий экин сифатида дуккакли дон экинларидан мош етиштириш самаралидир.

   Б.Ҳолиқов, А.Иминов

Боғ ва токзорларда ёз мавсумидаги долзарб юмушларни сифатли ўтказиш бўйича тавсиялар

Жорий йилда республикамиз боғбон-соҳибкорлари олдида жиддий синов, яъни мавжуд боғ ва токзорлардан мўл ва сифатли ҳосил олиш турибди. Қиш илиқ бўлиб баҳорнинг эрта бошланиши, қишда ёғингарчилик кам, баҳорда ёғингарчиликни кўп бўлиши боис боғ ва токзорлар қатор ораларида бегона ўтларнинг тез ривожланишига сабаб бўлди.

    Р.Абдуллаев, Ҳ.Абдуллаева

Мева маҳсулотларини қуртиши технологияси

Мамлакатимиз боғларида уруғли, данакли ҳамда резавор меваларни эртаги навлари ғарқ пишиб етилди. Маълумки, эртаги меваларни узоқ сақлаб бўлмайди, шунинг учун пишган мевалардан мураббо, джем, шарбат, қиём ва бошқа маҳсулотлар тайёрласа бўлади.

   Р.Абдуллаев, Н.Джалилов

Такрорий сабзавот етиштириш бўйича тавсиялар

Бугунги куннинг омилкор деҳқон ва фермери барча яратилган имкониятлардан самарали фойдаланиб йил давомида экин майдонидан икки-уч маротаба мўл ҳосил етиштиришга эришмоқда.

   Р.Ҳакимов, Ф.Расулов

Картошка агротехникаси бўйича тавсиялар

Мамлакатимизда кечки картошка етиштириш муҳим аҳамиятга эга бўлиб, ушбу муддатда картошка ҳосилдорлиги эртагига нисбатан анча юқори бўлади, шу билан бирга узоқ муддат сақланади.

   Р.Ҳакимов, Ф.Расулов

Ёз фаслида чорвачиликда ветеринария тадбирларини ўтказиш бўйича тавсиялар

Чорва молларини ўз вақтида тўғри ва сифатли озиқлантириш, уларни ветеринария кўригидан ўтказиш, яъни диспансеризация қилиш, касал молни ўз вақтида ажратиш ва уни даволаш, гўнгни чиқариш ва зарарсизлантириш, молхоналарда мунтазам равишда дезинфекция, дератизация ва дезинсекция чораларини ўтказиб туриш, молларни зоогигиеник талаблар асосида парвариш қилиш, уларда кунлик моцион бўлишига эришиш, яйловларни алмаштириб туриш ва фермаларда озиқа (дағал хашак, тўйимли омихта ем, витаминга бой беда ва ҳўл ўт) базасини яратиш, сунъий қочириш ишларини ташкил этиш, диагностик текширишлар режасини бажарилишини назорат этиш каби ишларни бажариш ҳайвонларни соғлом сақлашнинг асосий омиллари ҳисобланади.

    Ш.Жабборов

Маҳсулотларни захирага ёки қайта ишлаш учун топширишнинг ҳуқуқий асослари

Айни вақтда республикамиз агросаноат мажмуида кенг кўламдаги ислоҳотлар амалга оширилмоқда ва бу борада Президентимизнинг бир қатор қарорлари қабул қилиниб, уларга асосан Ўзбекистон озиқ-овқат саноати корхоналари уюшмаси негизида ҳўл мева-сабзавот, картошка, полиз маҳсулотлари ва узумни саноат асосида қайта ишлаш учун харид қилувчи «Ўзбекозиқовқатхолдинг» холдинг компанияси, «Ўзулгуржисавдоинвест» уюшмаси негизида қиш-баҳор мавсуми учун шу маҳсулотларни ғамлавчи «Ўзбекозиқовқатзахира» уюшмаси ҳамда ҳўл мева-сабзавотларни экспорт қилиш вазифалари ва масъулиятини зиммасига олган мутлоқа янги «Ўзагроэкспорт» ихтисослаштирилган ташқи савдо компанияси ташкил этилди.

    А.Джуманов, О.Соатов



Белгиланган матнни тинглаш учун қуйидаги тугмани босинг Powered by GSpeech