QISHLOQ XO‘JALIGIDA SERTIFIKATLASH BO‘YICHA HAMKORLIK

Joriy yilning 1-iyun kuni O‘zbekiston Respublikasi Qishloq xo‘jaligi vazirligi huzuridagi “Qishloq xo‘jaligida standartlashtirish markazi” DM hamda Qirg‘iz Respublikasi Qishloq xo‘jaligi vazirligi huzuridagi Organik qishloq xo‘jaligi departamenti vakillari o‘rtasida uchrashuv bo‘lib o‘tdi.

O‘zbekiston tomonidan — Qishloq xo‘jaligi vazirligining Oziq-ovqat xavfsizligi va maqbul qishloq xo‘jaligi amaliyotini rivojlantirish (GAP) boshqarmasi boshlig‘i Anvar Jumanov va vazirlik huzuridagi “Qishloq xo‘jaligida standartlashtirish markazi”DM direktori A‘zam Isaqov hamda hamkor tarafdan — Qirg‘iz Respublikasi Qishloq xo‘jaligi vazirligi huzuridagi Organik qishloq xo‘jaligi departamenti direktori Saginbek Tursunaliyev boshchiligidagi delegatsiya a’zolari o‘rtasida bo‘lib o‘tgan uchrashuvda hamkorlik Memorandumi ham imzolandi.

Ushbu kelishuv doirasida tomonlar

• xalqaro tan olingan sertifikatlashtirish tizimlari sohasida;
• o‘zaro sertifikatlashtirish sohasida;
• tomonlar xodimlarini tajriba almashish, o‘qitish va malakasini oshirish bo‘yicha;
• keng qamrovli laboratoriya tadqiqotlari sohasida hamkorlikda qatoir ishlarni amalga oshirish bo‘yicha fikr-mulohazalar almashdilar.