“YOSHLAR VA INNOVATSION QISHLOQ-XO‘JALIGI” KO‘RIK TANLOVI BO‘LIB O‘TDI

Toshkent davlat agrar universiteti faollar zalida O‘zbekiston Qishloq xo’jaligi vazirligi, Agrar soha ayollari uyushmasi, Yoshlar ishlari agentligi hamda Toshkent davlat agrar universiteti hamkorligida vazirlik tizimidagi oliy ta’lim muassasalaridagi talaba yoshlar o‘rtasida “Yoshlar va innovatsion qishloq xo‘jaligi” ko‘rik-tanlovining universitet bosqichi bo’lib o’tdi.

Tanlovda Toshkent davlat agrar universitetining 6 ta jamoasi ishtirok etib, qishloq xo’jaligi sohasidagi o’z loyihalarini namoyish etishdi.

Ushbu tanlovni tashkil etishdan asosiy maqsad ham qishloq xo‘jaligiga yuqori malakali mutaxassislarni tayyorlash tizimni takomillashtirish, qishloq xo‘jaligi  tarmoqlarida zamonaviy fikrlovchi, bugungi keskin iqlim o‘zgarishi sharoitiga moslashtirishga oid ilg‘or fikrga ega, o’zi tanlagan ixtisoslik bo’yicha tashabbuskor va faol talabalar safini kengaytirish va ularni qo’llab quvvatlash, sohada har tomonlama yetuk kadrlarni tayyorlashdan iborat.