Yomg‘irlatib sug‘orish uskunalarini yetkazib berish va to‘liq o‘rnatish loyihasi

O‘zbekiston Respublikasi Vazirlar Mahkamasining “Qishloq xo‘jaligida suvni tejaydigan zamonaviy texnologiyalarni joriy etish bo‘yicha qo‘shimcha chora-tadbirlar” to‘g‘risidagi 2021-yil 14-iyuldagi 441-son qaroriga asosan  O‘zbekiston qishloq xo‘jaligida suvni tejaydigan zamonaviy texnologiyalarni joriy etish loyihasi doirasida O‘zR Qishloq xo‘jaligi vazirligi va Bauer kompaniyasi (Avstriya) o‘rtasida zamonaviy sug‘orish texnologiyalarini yetkazib berish bo‘yicha kelishuvga erishilgan.

Unga ko‘ra, Bauer kompaniyasining yomg‘irlatib sug‘orish uskunalari 3 yil imtiyozli davr bilan 10 yil muddatga, yillik 2,5 foiz stavkada yetkazib va to‘liq o‘rnatib beriladi.

Buning uchun loyiha ijrochisi Qishloq xo‘jaligi vazirligi tizimidagi Burg‘ilash xizmati MCHJ va hududlardagi fermer-dehqon xo‘jaliklari, klasterlar o‘rtasida lizing shartnomasi tuziladi va shartnoma umumiy qiymatining kamida 15 foizi oldindan to‘lov tarzida amalga oshiriladi.

Loyihadan kutiladigan samaradorlik:

1. Suv sarfi – 40 foizgacha tejaladi;
2. Yoqilg‘i sarfi – 30 foizgacha tejaladi;
3. Mineral o‘g‘itlar sarfi – 35 foizgacha tejaladi;
4. Qo‘l mehnati (suvchilarga talab) – 90 foizgacha qisqaradi;
5. Qoplash muddati ekin turiga qarab 1-4 yil.

Ekin turiga qarab hosildorlik ortacha 15-25 foizga ortadi, jumladan:

1. G‘alla – 15 foizga;
2. Makkajo‘xori – 20 foizga;
3. Kartoshka 25 foizga;
4. Beda 20 foizga;
5. Mosh – 20 foizga.

Reynstar sug‘orish uskunasini yetkazib berish va to‘liq o‘rnatish shartlari:

1. Yer maydoni 25 gektardan kam bo‘lmagan yaxlit hudud;
2. Sug‘oriladigan yerning kommunikatsiyadan xoli bo‘lishi (simyog‘och, gaz quvurlari va h.k.) ;
3. Yer relyefi 10 gradusdan ko‘p bo‘lmasligi;
4. Gidravlikali traktor;
5. Infratuzilma mavjudligi (nasos stansiya, quvur, suv va elektr energiyasi taʼminoti, suv hovuzi) ;
6. Bug‘doy, beda, arpa, makkajo‘xori, poliz ekinlari, kartoshka, dukkakli ekinlar uchun (paxtachilik, bog‘dorchilikdan tashqari) ;
7. Montaj vaqtida yordamchi ishchi kuchi va texnika (yuk tushirish va ortish krani);
8. Sug‘oriladigan maydonning kosmik surati va geolokatsiyasi;
9. Vazirlar Mahkamasining 2021-yil 14-iyuldagi 441-son qaroriga asosan belgilangan shakldagi ariza (ilovalari bilan) va kadastr nusxasi;
10. Soliq hamda muddati o‘tgan kreditor qarzdorliklari mavjud emasligi to‘g‘risida maʼlumotnoma.

“Sentrstar” (Pivot) sug‘orish uskunasini yetkazib berish va to‘liq o‘rnatish uchun shartlar:

1. Sug‘orish tizimi markazdan aylana shaklda harakatlanishi uchun mos keladigan yaxlit hudud;
2. Sug‘oriladigan hududning kommunikatsiyadan xoli bo‘lishi (simyog‘och, gaz quvurlari va h.k.);
3. Yer relyefi 10 gradusdan ko‘p bo‘lmasligi;
4. Infratuzilma mavjudligi (nasos stansiya, quvur, suv va elektr energiyasi taʼminoti, suv hovuzi);
5. Bug‘doy, beda, arpa, makkajo‘xori, poliz ekinlari, kartoshka, dukkakli ekinlar uchun (paxtachilik, bog‘dorchilikdan tashqari);
6. Montaj vaqtida yordamchi ishchi kuchi va texnika (yuk tushirish va ortish krani);
7. Sug‘oriladigan maydonning kosmik surati va geolokatsiyasi;
8. Vazirlar Mahkamasining 2021-yil 14-iyuldagi 441-son qaroriga asosan belgilangan shakldagi ariza (ilovalari bilan) va kadastr nusxasi;
9. Soliq xamda muddati o‘tgan kreditor qarzdorliklari mavjud emasligi to‘g‘risida maʼlumotnoma.