OLMA MEVASINING FOYDALILIK XUSUSIYATLARI VA UNI INTENSIV BOG‘DA YETISHTIRISHNING AFZALLIGI

Olma — katta-yu kichik birdek sevib isteʼmol qiladigan, foydaliligi jihatidan deyarli barcha mevalarni ortda qoldiruvchi mahsulot hisoblanadi. Bugungi kunda O‘zbekistonda olmaning 100 dan ortiq navlari yetishtirilmoqda. Butun dunyoda esa, bu ko‘rsatkich 10 000 dan ortiq navni tashkil etadi. Olma navlari bir-biridan mevalarining pishish muddatlari, ko‘rinishi, bir dona mevasining o‘rtacha og‘irligi, katta kichikligi hamda tarkibidagi qand, quruq moddasi va kislotalik ko‘rsatkichlarini turlicha bo‘lishi bilan farqlanadi.

Respublikamiz hududlarida barcha toifa xo‘jaliklari tomonidan 342 ming gektar maydonda meva va rezavorlar parvarishlanib kelinmoqda. Jami bog‘larning 146 ming gektarini yoki 42,6 foizini olmazorlar tashkil etadi. 2021-yilda hosil beradigan 111,5 ming gektar olmazorlardan 1238,2 ming tonna olma yetishtirildi. Shundan fermer xo‘jaliklaridagi jami 120,6 ming gektar olma maydonining 86,9 ming gektar hosil beradigan maydonidan 827,3 ming tonna, dehqon xo‘jaliklari va aholi tomorqalaridagi  25,4 ming gektar olma maydonining hosil beradigan 24,6 ming gektar maydonidan 410,9 ming tonna olma hosili olindi.

Fermer xo‘jaliklarining jami 120,6 ming gektar olma maydondaridan 31,6 ming gektari intensiv usulda parvarishlaniladigan bog‘lardan iborat.

O‘zbekiston Respublikasi hududida ekish uchun tavsiya etilgan qishloq xo‘jaligi ekinlari davlat reestrida olmaning 34 dan ortiq navlari ro‘yxatga kiritilgan.

Olma ko‘chatini ekish

2014-yildan beri Akademik Mahmud Mirzayev nomidagi bog‘dorchilik, uzumchilik va vinochilik ilmiy-tadqiqot institutida intensiv bog‘lar uchun olma navlarini tanlash va ekish sxemalarini ishlab chiqish mavzusida ilmiy-tadqiqot ishlari davom etmoqda. Aynan kollektsion olma bog‘ida bir xil pakana bo‘yli M-9 payvandtagida payvand qilingan 40 ga yaqin mahalliy va xorij seleksiyasiga mansub bo‘lgan olma navlari o‘rganilmoqda. Intensiv bog‘larda meva yetishtirishning maqbulligi shundaki, ushbu bog‘ maydoniga qancha ko‘p ko’chat ekilsa, hosil ham shuncha mo‘l bo‘ladi. Turli navlarda daraxtlarni biologik o‘sish kuchiga qarab, ekish sxemalari tanlanadi.

Intensiv bog‘larning afzalligi

Zamonaviy intensiv mevali bog‘lar ancha mahsuldor bo‘lib, ularni asosiy so’ruvchi  ildiz tizimi yuza joylashgan bo‘ladi. Shuning uchun ular tuproqning yuza qismidagi unumdorligiga ancha talabchan. Bu bog‘larda mineral o‘g‘itlarning sarf meʼyori ancha yuqori bo‘lib, bog‘ning hosildorligiga uzviy bog‘liqdir.

Past bo’yli payvandtaglarda yetishtirilgan bog‘larda asosan tomchilatib sug‘orish tizimi qo‘llanilmoqda. Bunday sug‘orishda o‘g‘itlarning o‘zlashtirish samadorligi ortibgina qolmay, ularni tejab qolish imkoni ham mavjud. Ahamiyatlisi, odatiy bog‘larda azot va fosfor o‘g‘itlari ikkiga bo‘lib beriladi. Tomchilatib sug‘oriladigan bog‘larda o‘g‘itlarni bir necha marotaba maydalab, daraxtlarni o‘sishi va rivojlanishiga qarab, 2-3-4 va hokazoga bo‘lib berish mumkin. Bu jarayon qo‘shimcha xarajatni talab etmaydi, samarasi esa juda yuqori bo’ladi.

Olma navlari

Yoz faslining quyoshidan bahra olib, o‘zi ham tillarangda tovlanib pishadigan “Pervenes Samarkanda” olma navi 1979-yidla Toshkent viloyatida Davlat Reestriga kiritilgan. Iyun oyining oxirgi o‘n kunligidayoq dasturxonlarga yetib boruvchi olma daraxtining bo‘yi o‘rtacha 5,9 metr bo‘lib, sovuqqa chidamli. Eʼtiborlisi, ushbu nav to‘liq hosilga kirib, mevalari mo‘l bo‘lganida kichiklashishi mumkin. Shuning uchun daraxtining tanasidagi shoxlarini doimiy siyraklashtirib turish talab etiladi.

O‘zimizning mahalliy “Rustamiy” navi Akademik M.Mirzayev nomidagi bog‘dorchilik, uzumchilik va vinochilik ilmiy-tadqiqot instituti olimlari tomonidan yaratilgan. Avgust oyining birinchi o‘n kunligida pishib, isteʼmolchilarga tortiq etiladigan ushbu nav saqlashga va uzoq masofaga yetkazilishga yaroqli, dasturxonga ko‘rk bag‘ishlaydi. Ushbu nav Pakana M-IX payvandtagda uchinchi-to‘rtinchi yili mahsuldor hosilga kiradi.

Yana bir mahalliy olma navi “Oydin” bo‘lib, 2007-yildan respublikaning barcha viloyatlari bo‘yicha Davlat reestriga kiritilgan. Ushbu nav “Zolotoye Grayma” navining urug‘larini ekish orqali ajratib olingan. Iyul oyida mevasi pishib yetiladigan navning ko‘chati ekilganidan beshinchi yildan boshlab to’liq hosilga kiradi.

Olmaning “Bolajon” navi barcha xonadonlarda sevib isteʼmol qilinadi. Kuzgi nav hisoblanmish olma Kitayka 51xZolotoye Grayma navlarini chatishtirish orqali yaratilgan. 2005-yilda Toshkent viloyati bo‘yicha Davlat Reestriga kiritilgan “Bolajon” ning mevalari avgust oyida yetiladi va daraxtda 40-60 kungacha saqlanib turadi. Ko‘chati ekilganidan beshinchi yilda hosilga kiruvchi ushbu navni kuchli payvandtaglarda yetishtirganda bir tupidan 100 kilogrammgacha hosil olish mumkin. Sersuv, sarg‘ish, mevasi nordon-shirin ushbu olma navi bolajonlarning salomatligi uchun juda foydali. Uni uzoq masofalarga yetkazish, qadoqlash, qayta ishlash mumkin.

Kuniga bir dona olma yesangiz…

Mutaxassislarning aytishicha, har kuni bir dona olma iste’mol qilgan odam sog‘lom bo‘lar ekan.

Olmada C, B1, B2, P, E, A vitaminlari, kaliy, marganes va temir moddalari ko‘p miqdorda mavjud. C va B vitaminlari barcha aʼzolarda modda almashinuvini yaxshilaydi. P va E darmondorilari organizmni yoshartirib, teri va to‘qimalar holatini tiklaydi. Kaliy moddasi arterial qon bosimini meʼyorlashtirib, tish emali va suyak to‘qimalarini mustahkamlaydi. Olma tarkibidagi pektin esa organizmdan ortiqcha xolesterinni chiqarib yuborishga ko‘maklashadi, shuningdek, qandli diabetning oldini oladi. Bu modda yana yuz terisining tarang va tiniq bo‘lishida o‘z hissasini qo‘shadi.

Nordon olmadagi C vitamini immunitetni oshirishga yordam beradi. U qon tomirlar devorini mustahkamlaydi, surunkali kasalligi bor bemorlarni quvvatlantiradi. Olmadagi fitonsidlar — tabiiy antibiotik bo‘lib, shamollaganda va gripp bilan kurashishda viruslarni nobud qilishga qodir.

Olma po‘stlog‘ida qonni ortiqcha xolesterindan tozalovchi, saraton hujayralari o‘sishini to‘xtatuvchi moddalar mavjud, shu bois bu mevani po‘stini archimasdan yeyish tavsiya etiladi.

Olmaning urug‘i ham foydali. Unda yod miqdori nihoyatda ko‘p. 5-6 dona olmaning urug‘i odam organizmini 1 haftalik zaruriy yod moddasi bilan bemalol taʼminlay oladi.

Olmaning foydalilik jihati uning rangiga ham bog‘liq. Masalan, qizil va sariq rangli olmani ko‘pchilik xush ko‘radi, chunki qand — uglevod ko‘pligi bois bunday olmalar juda shirin bo‘ladi. Tibbiyot nuqtai nazaridan qaraganda esa, tarkibida pektin moddasi mo‘l bo‘lgan yashil nordon olmaning shifobaxshligi ko‘proqdir.

Qizil olmaga qaraganda yashil olmaning kaloriyasi biroz kam. Vaznni kamaytirmoqchi yoki qandli diabetdan himoyalanmoqchi bo‘lganlar, yashil olma, yaʼni nordon-shirin olmalarni isteʼmol qilgani maʼqul.

Яблоко – это продукт, который любят взрослые и дети, превосходит по полезным свойствам почти все остальные фрукты. Сегодня в Узбекистане выращивают более 100 сортов яблок. По всему миру эта цифра составляет более 10 000 сортов. Сорта яблок отличаются друг от друга сроками созревания плодов, внешним видом, средним весом одного плода, размерами, а также разными показателями сахара, сухого вещества и кислотности.

Плоды и ягоды выращивают на 342 тыс. га земель всех категорий хозяйств на территории нашей республики. 146 тыс. га или 42,6% всех садов составляют яблоневые рощи. В 2021 году со 111,5 тыс. га плодоносящих яблоневых садов выращено 1238,2 тыс. тонны яблок. Из них 86,9 тыс. га плодоносящих яблоневых садов фермерских хозяйств собрано 827,3 тыс. тонны яблок (общая площадь яблоневых садов составляет 120,6 тыс. га), из 24,6 тыс. га плодоносящих садов дехканских хозяйств и приусадебных участков собрано 410,9 тыс. тонны яблок (общая площадь яблоневых садов – 25,4 тыс. га).

Из 120,6 тыс. га яблоневых садов фермерских хозяйств 31,6 тыс. га составляют интенсивные сады.

В государственный реестр сельскохозяйственных культур, рекомендованных к посадке на территории Республики Узбекистан, занесено более 34 сортов яблони.

Посадка яблони

С 2014 года научно-исследовательская работа по подбору сортов яблони для интенсивных садов и разработке схем посадки ведется в НИИ садоводства, виноградарства и виноделия имени академика Махмуда Мирзаева. В коллекционном яблоневом саду изучается около 40 местных и зарубежных сортов яблони, привитых на подвои М-9 одинакового низкого роста. Оптимальность плодоводства в интенсивных садах заключается в том, что чем больше саженцев высажено на площади, тем больше будет урожай. В зависимости от биологического роста деревьев разных сортов выбирают схемы посадки.

Преимущество интенсивных садов

Современные интенсивные сады более продуктивны. Их основная корневая система расположена на поверхности. Поэтому они очень требовательны к плодородию поверхности почвы. В этих садах высока норма расхода минеральных удобрений. Расход зависит от продуктивности сада.

В садах, выращенных на невысоких подвоях в основном используется система капельного орошения. При таком поливе не только повышается эффективность усвоения удобрений, но и появляется возможность их экономии. Что немаловажно, в обычных огородах азотные и фосфорные удобрения делятся на два приема. В садах с капельным орошением удобрение можно проводить несколько раз, разделив общую норму удобрений на 2-3-4 приема и более в зависимости от роста и развития деревьев. Этот процесс не требует дополнительных затрат, а эффективность высока.

Сорта яблок

Сорт яблони «Первенец Самарканда», внесен в Госреестр в 1979 году, он подходит под условия Ташкентской области. Средняя высота этой яблони, попадающей на наши столы в последней декаде июня, составляет 5,9 метра, она устойчива к холоду. Стоит отметить, что плоды этого сорта могут уменьшиться при созревании. Поэтому необходимо постоянно прореживать ветки дерева.

Местный сорт «Рустамий» создан учеными НИИ садоводства, виноградарства и виноделия имени академика М.Мирзаева. Этот сорт, созревающий в первой декаде августа пригоден для хранения и дальней транспортировки. Этот сорт при подвое к карликовому М-IX вступает в продуктивный урожай на третий-четвертый год.

Еще один местный сорт яблони «Ойдин» с 2007 года включен в Госреестр и подходит для посева по всех областях республики. Этот сорт выведен из семян сорта «Золотое Грайма». Саженцы этого сорта, плоды которых созревают в июле, полностью плодоносит с пятого года после посадки.

Сорт яблок «Болажон» любим всеми. Яблоня, считающаяся осенним сортом, создана путем скрещивания сортов «Китайка 51» х «Золотое Грайма». Плоды «Болажона», включенного в Госреестр в 2005 году, созревают в августе и могут храниться на дереве 40-60 дней. Этот сорт, который собирают на пятый год после посадки, при выращивании на крепких подвоях может дать до 100 килограммов урожая с куста. Сочные, желтоватые, кисло-сладкие плоды этого сорта яблок полезны для детского здоровья. Их можно транспортировать на большие расстояния, упаковывать и перерабатывать.

Если съедать по яблоку в день…

Специалисты утверждают, что человек, съедающий одно яблоко в день, будет здоров.

Яблоки содержат большое количество витаминов С, В1, В2, Р, Е, А, калия, марганца и железа. Витамины С и В улучшают обмен веществ во всех органах. Витамины Р и Е омолаживают организм и восстанавливают состояние кожи и тканей. Калий нормализует артериальное давление, укрепляет зубную эмаль и костную ткань. Пектин, содержащийся в яблоках, способствует выведению из организма лишнего холестерина, а также предотвращает диабет. Это вещество способствует упругости и чистоте кожи лица.

Витамин С в кислых яблоках помогает повысить иммунитет. Укрепляет стенки сосудов, дает силы больным с хроническими заболеваниями. Фитонциды в яблоках – природные антибиотики, способные убивать вирусы в организме при борьбе с простудой и гриппом.

Яблочная кожура содержит вещества, очищающие кровь от лишнего холестерина и останавливающие рост раковых клеток, поэтому рекомендуется есть этот фрукт, не очищая от кожуры.

Семена яблок тоже полезны. В них много йода. Семечки 5-6 яблок легко могут обеспечить организм человека необходимым йодом на 1 неделю.

Полезность яблока также зависит от его цвета. Например, многие люди любят красные и желтые яблоки, потому что они очень сладкие из-за высокого содержания сахара и углеводов. С медицинской точки зрения более полезны зеленые кислые яблоки, богатые пектином.

Зеленые яблоки содержат немного меньше калорий, чем красные яблоки. Если вы хотите похудеть или уберечь себя от диабета, лучше есть зеленые яблоки, то есть кисло-сладкие.