DORIVOR NAʼMATAK: FOYDASI, YETISHTIRISH BO‘YICHA TAVSIYALAR VA KASALLIK-ZARARKUNANDALARIGA QARSHI KURASH

Bugungi kunda O‘zbekistonda 112 turdagi dorivor o‘simliklardan rasmiy tibbiyotda foydalanishga ruxsat berilgan. Ularning 80% ini tabiiy holda o‘suvchi giyohlar tashkil etadi. So‘nggi yillarda katta maydonlarda madaniy plantatsiyalari tashkil etilmoqda. Butunjahon Sog‘liqni Saqlash tashkilotining maʼlumotiga ko‘ra, zamonaviy tibbiyotda qo‘llanilayotgan  dori-darmonlarning 60 foizi dorivor o‘simliklar xomashyolari asosida yaratiladi va ishlab chiqarishga joriy etiladi.

“Chortoq agro farm” MCHJ klasteri va “Shuhrat” fermer xo‘jaligida naʼmatak o‘simligi yetishtirilib, qadoqlash ishlari olib boriladi. Kelgusida klaster tomonidan o‘zlashtirilgan yangi maydonlar hisobiga naʼmatak dorivor ekini ko‘paytirilib, undan sirop olish rejalashtirilmoqda. Fermer xo‘jaligi esa eksport geografiyasini kengaytirish harakatida.

 Naʼmatak yetishtirish haqida

Itburun yoki naʼmatak asosan Toshkent, Farg‘ona, Samarqand, Qashqadaryo, Surxondaryo viloyatlarining quyi va o‘rta tog‘ tizmalarida daryo va soylarning qirg‘oqlarida, bog‘larda, yong‘oqzor va archazorlarda uchraydi.

Agrotexnik tadbirlar. Naʼmatakning serdarmondorili navlari faqat jinssiz, 5-15 sm uzunlikdagi novda qalamchalaridan ko‘paytiriladi. Urug‘dan ko‘paytirilganda ular o‘zining nav afzalligini yo‘qotadi. Aniqlanishicha, bir yillik novdaning o‘rta va yuqori qismlaridan rivojlanish to‘xtagan davrda tayyorlangan qalamchalarning ildiz otishi kuchli bo‘ladi. Ildiz ottirish uchun naʼmatak qalamchalari noyabr oyi boshlarida tayyorlanadi. Qalamchalar 5-15 sm uzunlikda qirqilib, aprelga qadar 0,5 metr chuqurlikda qumga ko‘mib qo‘yiladi. Bahorda qalamchalar qazib olinib, plyonkali issiqxonalarga o‘tqaziladi. Chirigan go‘ng bilan o‘g‘itlangan (1 m² ga 2 chelak miqdorida) va yaxshilab chopilgan, tekislangan, ustiga 15 sm qalinlikda daryo qumi to‘shalgan tuproq qalamcha ekish uchun maqbul joy hisoblanadi. Sug‘orish uchun ariqdan olingan yoki bir oz tindirib qo‘yilgan ichimlik suvi bo‘lishi kerak.

Kuzda naʼmatak ekishga ajratib qo‘yilgan ochiq maydondagi yer 25-30 sm chuqurlikda haydaladi. Bahorda tekislanadi va molalanadi. Ekish oldidan issiqxonadan chiqqan ko‘chatlarga ishlov beriladi. Ekib bo‘linganidan keyin “okuchnik” – chopiq asbobi yordamida naʼmatak ekilgan uyachalar yaqinidan sug‘orish egatlari olinadi. Birinchi yili 10 martagacha sug‘oriladi. Har 2-3 sug‘orishdan keyin kultivatsiya qilinadi, chuqurlardan o‘sib chiqqan yirik begona o‘tlar qo‘lda yulib tashlanadi. Shuni yodda tutish kerak, ildizi zararlangan yerda bachkilari ko‘payib ketadi, u o‘simlik tupining rivojlanishiga xalal beradi, tup hosili kamayadi. Shu sababdan hosil bo‘lgan ildiz bachkilari asta olib tashlanishi kerak. Agrotexnik chora-tadbirlarga qatʼiy amal qilinganda, navli naʼmataklar ekilganidan keyingi ikkinchi yiliyoq mevaga kiradi. Ko‘chatlar 3-4-yili va undan keyingi yillarda yalpi mevaga kiradi. Naʼmatak poyalari 5 yilgacha o‘sib turadi, keyin ular yangi o‘sib chiqqani bilan almashtiriladi. Eski poyalar vaqti-vaqti bilan qirqib tashlanadi. Yoki har 6-7 yilda ekinzordan barcha poyalar olib tashlanadi. Yoshartirilgan ekinzor bir yildan keyin gulga va mevaga kiradi. Hosildorligi gektar hisobiga 10-12 sentnerni tashkil etadi.

Kasallik va zarurkunandalariga qarshi kurash

Naʼmatakning asosiy kasalligi yaproq, yosh poyalari va shoxchalariga kulsimon zamburug‘ tushishidir. Unga qarshi kurashish uchun o‘simlik oltingugurt kukuni bilan changlatiladi. Zararkunandalardan naʼmatakda ko‘proq uchraydigani o‘simlik biti va o‘rgimchak kanadir. Ularga qarshi o‘simlikka oltingugurt kukuni bilan “sevin qorishmasi” (2:1) vositasida ishlov beriladi. Shuningdek, “Meyer orexotvorkasi” ham meva hosildorligini kamaytirib ancha zarar keltiradi. May boshlarida bu hasharot yosh urug‘donga tuxum qo‘yadi. Tuxumdan chiqqan qurtlar urug‘dondagi ozuqa bilan oziqlanadi. Natijada mevalar o‘rnida bujg‘un hosil bo‘ladi. Bunga barxam berish uchun may oyining boshlarida o‘simlikka 2 % antio eritmasidan purkash yo‘li bilan kurashiladi. Hasharot chiqib ketishidan oldin bujg‘un qirqib olinib yo‘q qilinadi.

Tavsiyalar. Ixtisoslashtirilgan xo‘jaliklarda ko‘p yillar mobaynida olib borilgan tadqiqotlar asosida tog‘ etagi, tog‘ mintaqasidagi lalmi yoki shartli lalmi yerlarda sug‘ormay 5×3 metr o‘lchamda, tekislik, tog‘ etagi va tog‘li yerlarda sug‘orilganda 8×3 yoki 7×3 metr o‘lchamda ekish sxemasi tavsiya etiladi. Plantatsiya tashkil etilgan maydonlarda 2-3-yilda qator oralariga tirnoqgul, moychechak va boshqa bir-ikki yoshli yoki ko‘chat qilib ekiladigan ekinlar ekish mumkin. Naʼmatak bilan ish olib borilganda qalin qo‘lqop kiyish zarur. O‘stiruvchi moddalar va zaharli kimyoviy moddalardan foydalanib ishlov berishda maxsus ko‘nikma va bilimga ega bo‘lgan ishchilargina shug‘ullanishlari lozim.

 Foydasi. Tabobatda va zamonaviy tibbiyotda foydalaniladigan naʼmatak mevasi C vitaminiga boy bo‘lib, insonning immun tizimini mustahkamlash xususiyatiga ega. Shuningdek, u tomirlardagi qonni suyultirib, qon bosimini tushiradi, shamollash va grippni davolashda asqotadi.

На сегодняшний день в официальной медицине Узбекистана разрешено использовать 112 видов лекарственных растений. 80% из них – это натуральные травы. В последние годы на больших площадях создаются их культурные плантации. По данным Всемирной организации здравоохранения, 60 процентов лекарственных средств, используемых в современной медицине, создаются и внедряются в производство на основе сырья лекарственных растений.

Кластер ООО «Чорток Агро Фарм» и фермерское хозяйство «Шухрат» занимаются выращиванием и фасовкой шиповника. В дальнейшем планируется увеличить объем лекарственной культуры за счет приобретаемых кластером новых земель и получать из него сироп. А фермерское хозяйство работает над расширением географии экспорта.

О возделывании шиповника

Шиповник встречается преимущественно в нижних и средних горных хребтах Ташкентской, Ферганской, Самаркандской, Кашкадарьинской и Сурхандарьинской областей, по берегам рек и ручьев, в садах, в ореховых и арчовых рощах.

Агротехнические мероприятия. Богатые витаминами сорта шиповника размножают только стеблевыми черенками длиной 5-15 см. При размножении из семян они теряют свое сортовое преимущество. Установлено, что черенки, приготовленные из средней и верхней частей однолетней ветки в период остановки развития, будут иметь сильное укоренение. Черенки  к укоренению готовят в начале ноября. Их нарезают до длины 5-15 см и закапывают в песок на глубину 0,5 метра до апреля месяца. Весной черенки выкапывают и высаживают в пленочные теплицы. Оптимальным местом для посадки является почва, удобренная перепревшим навозом (из расчета 2 ведра на 1 м²), тщательно окученная, выровненная и засыпанная речным песком толщиной 15 см. Для полива подойдет вода из канавы или отстоявшаяся питьевая вода.

Осенью землю в открытом грунте, отведенную под посев, вспахивают на глубину 25-30 см. Весной ее выравнивают и боронируют молой. Перед посадкой рассаду из теплицы обрабатывают. После посадки нарезают борозды вблизи ям с помощью окучника. В первый год поливают до 10 раз. Культивацию проводят после каждых 2-3 поливов, крупные сорняки, вырастающие из ямок, выдергивают вручную. Следует помнить, что в земле, где повреждены корни, размножаются корневые пасынки, это тормозит развитие куста, снижается урожайность. По этой причине корневые пасынки следует удалять аккуратно. При строгом соблюдении агротехнических мероприятий сорта плодоносят на второй год после посадки. Саженцы плодоносят на 3-4-й год и позже. Стебли растут до 5 лет, затем их заменяет новый прирост. Старые стебли периодически обрезают. Или каждые 6-7 лет все стебли убирают с поля. Омоложенные растения зацветают и плодоносят уже через год. Урожайность 10-12 центнеров с гектара.

Борьба с вредителями и болезнями

Основное заболевание шиповника –грибок «мучнистая роса» на листьях, молодых стеблях и ветвях. Для борьбы с ним растение опудривают порошком серы. Самыми распространенными вредителями являются тля и паутинный клещ. Против них растение обрабатывают «севиновой смесью» (2:1) с порошком серы. Также значительный вред наносит «орехотворка Мейера», снижающая урожайность плодов. В начале мая это насекомое откладывает яйца на молодые семена. Черви, вылупившиеся из яиц, питаются семенами. В результате вместо плодов образуется недоразвитый плод. Чтобы избавиться от нее, опрыскивают растения 2% раствором «антио» в начале мая. Недоразвитый плод срезают и уничтожают прежде чем насекомое выйдет наружу.

Рекомендации. На основе многолетних исследований в специализированных хозяйствах в предгорьях, богарных или условно богарных землях в горных районах рекомендуется сажать растение по схеме 5х3 метра без полива и по схеме 8х3 или 7х3 при поливе на равнинных, предгорных и горных землях. На участках плантаций на 2-3-й год в междурядьях можно высаживать календулу, ромашку и другие одно-двухлетние или рассадные культуры. При работе с шиповником необходимо надевать толстые перчатки. К обработке с использованием растительных веществ и ядохимикатов должны привлекаться только рабочие, обладающие специальными навыками и знаниями.

Польза. Плод шиповника, используемый в традиционной и современной медицине, богат витамином С и обладает свойством укреплять иммунную систему человека. Он также разжижает кровь в венах, снижает кровяное давление, помогает при лечении простуды и гриппа.