TDAU: professor-o‘qituvchilarning ilmiy salohiyati bo‘yicha birinchi o‘rin

Vazirlar Mahkamasi huzuridagi Ta’lim sifatini nazorat qilish davlat inspeksiyasi mamlakat oliy o‘quv yurtlari reytingi natijalarini e’lon qildi. Bu haqda inspeksiya matbuot xizmati xabar bermoqda.

Professor-o‘qituvchilarning ilmiy salohiyati bo‘yicha Toshkent davlat agrar universiteti (TDAU) 1-o‘rinni egalladi.

TDAU mashinasozlik, texnologiya, qurilish va qishloq xo‘jaligi yo‘nalishlari bo‘yicha kuchli 10 talikka kirdi.

2022-o’quv yili uchun universitet haqida ba’zi qiziqarli faktlar:

• Agroklasterlar rahbarlari tomonidan 25 ta mavzu bo‘yicha mahorat darslari o‘tkazildi

• 50 ta xorijiy nashrlar asosida darsliklar yaratildi.

• Xalqaro moliya institutlari hisobidan AQSh, Germaniya, Yaponiya, Koreya, Polsha, Rossiya, Latviya, Litva, Turkiya kabi davlatlardan hamkor universitetlardan professor va mutaxassislar jalb etildi.• “Ekofiziologik tadqiqotlar” ilmiy laboratoriyasi yaratildi. Ushbu laboratoriyalar uchun 129 turdagi zamonaviy jihozlar keltirildi.

Eslatib o‘tamiz, Toshkent davlat agrar universiteti va uning Samarqand shahridagi filiali IMPACT RANKINGS the Times Higher Education xalqaro reytingida dunyoning 1000 ta nufuzli oliy ta’lim muassasalari qatoridan joy olgan.