ISSIQXONA XO‘JALIKLARINI QO‘LLAB-QUVVATLASH BO‘YICHA RESPUBLIKA SHTABI VA CALL-CENTER ISHGA TUSHDI

Bugungi kunda Qishloq xo‘jaligi vazirligi tomonidan uning huzuridagi Bog‘dorchilik va issiqxona xo‘jaligini rivojlantirish agentligida issiqxona xo‘jaliklarini qo‘llab-quvvatlash bo‘yicha Respublika Shtabi va Call-center o‘z faoliyatini boshladi.

Respublika Shtabining maqsadi muammolarni aniqlash va hal etishda ko‘maklashish, berilgan takliflarni o‘rganish va tadbirkorlarga xizmat ko‘rsatishdan iborat.

Call-center orqali kelib tushgan murojaatlar tegishli tashkilotlar yordamida tezkorlik bilan hal etiladi.

Quyidagi yo‘nalishlar bo‘yicha ko‘mak ko‘rsatiladi:

• bank kreditlari;
• tabiiy gaz, elektr va muqobil energiya taʼminoti;
• soliq to‘lovlari va bojxona nazorati;
• import orqali keladigan urug‘, ko‘chat, mineral o‘g‘it va boshqa moddiy resurslar;
• tajribali va malakali agronom, entomolog, laboratoriya mutaxassislarini jalb  qilish;
• kooperatsiya (klaster) asosida ishlaydigan qayta ishlash korxonalari va eksport qiluvchi tashkilotlar bilan hamkorlik;
• issiqxona xo‘jaliklari bilan o‘zaro hamkorlik asosida yetishtirilgan mahsulotni saralash, qayta ishlash, saqlash, qadoqlash va eksport qilish;
• karantin va o‘simliklar himoyasi agentligi bilan birgalikda o‘simliklar himoyasini tashkil etish bo‘yicha xizmatlar ko‘rsatish.

Issiqxona xo‘jaliklarini qo‘llab-quvvatlash bo‘yicha Respublika Shtabi call-center raqami:

(55) 500-80-08