FASILITATORLAR TAYYORLASHNING IKKINCHI BOSQICHI BOSHLANDI

Samarqand viloyatida kooperativlarni tashkil etish, uning imkoniyatlari, afzalliklarini dehqonlar va fermer xo‘jaliklari rahbarlariga tushuntirib beruvhi fasilitatorlar (mutaxassislar)ni tayyorlash bo‘yicha navbatdagi trening boshlandi.

5 kun davom etadigan treningda respublikamizning Buxoro, Jizzax, Qashqadaryo, Navoiy, Samarqand va Surxondaryo viloyatlaridan qishloq xo‘jaligi sohasida faoliyat olib borayotgan 34 nafar mutaxassislar o‘qitilmoqda.

Unda xalqaro ekspertlar:

• kooperativlarning huquqiy, tadbirkorlik va tashkiliy jihatlari;
• qishloq xo‘jaligini rivojlantirishda kooperativlarning o‘rni;
• dala fasilitatorlari uchun usul va ko‘nikmalar;
• ishtirokchilarning fasilitatsiya ko‘nikmalarini rivojlantirish  kabi mavzular bo‘yicha  qatnashchuvchilarning bilim va malakalarini oshirishadi.

Ushbu treningda malakasini oshirgan fasilitatorlar “Qishloq ho‘jaligi kooperativi to‘grisida”gi qonun loyihasi tasdiqlangach, o‘z hududlaridagi dehqon va fermer xo‘jaliklarida uning targ‘ibotini amalga oshirishadi.

Avvalroq, saytimizda qonun loyihasini tushuntirib, uning mazmun-mohiyatini yetkaza oladigan fasilitatorlar tayyorlash bo‘yicha treninglar tashkil etilayotgani haqida xabar bergandik.