URUG‘LIK CHIGITLAR MAVSUMGA TAYYORLANMOQDA

Paxtaning hosildorligi va undan olinadigan mahsulotlarning sifati asosan urug‘lik chigitning qanday tayyorlanganiga bog‘liq. Chigit esa, sog‘lom va kasallik hamda zararkunandalarga chidamli bo‘lishi lozim. Buning uchun urug‘lik chigit maxsus texnika vositasida dorilanadi. Ayni kunlarda Toshkent viloyatining Quyichirchiq tumanida joylashgan «TST agro klaster» MCHJ da ekiladigan urug‘lik chigitlarni dorilash ishlari qizg‘in davom etmoqda. “TST agro klaster”da bo‘lib, jarayonlarni kuzatdik.

• Sexda urug‘lik chigitni dorilash ishlari joriy yilning 4-yanvaridan boshlanib, 31-martiga qadar davom etadi. Hozirda sexda 24 nafar xodim 3 smenada faoliyat olib bormoqda.
• 2023-yilda ushbu sexda ekishga mo‘ljallangan 1400 tonna urug‘lik chigitni dorilash rejalashtirilgan. Bir kunda 16-18 tonna urug‘lik chigitni dorilash ishlari olib borilmoqda. Hozirda sexga 180 tonnaga yaqin chigit olib kelindi va 150 tonnaga yaqini dorilandi.
• Urug‘lik chigit agroklasterga qarashli yer maydonida yetishtirilgan paxtaning “Buxoro10” navidan olinib, Xitoy texnologiyasi asosida dorilanmoqda.
• Agroklaster Toshkent viloyatining Quyichirchiq, Buka, Chinoz, Bekobod tumanlaridagi fermer xo‘jaliklari bilan shartnoma tuzgan bo‘lib, ularga dorilangan urug‘lik chigitlar tayyor qadoqlangan holatda yetkazib berilmoqda.
• Maʼlumot o‘rnida, Quyichirchiq tumanining qariyb 80 foiz yer maydonlarida “Buxoro10” navli chigit ekiladi.

TST agro klaster» MCHJ da ekiladigan urug‘lik chigitlarni dorilash ishlarini videolavhamiz orqali tomosha qiling.