DAVLAT TASHKILOTLARI, ILMIY-TADQIQOT INSTITUTLARI, OLIY O‘QUV YURTLARI VA TADBIRKORLIK SUBYEKTLARI DIQQATIGA!

Taʼlim, fan va madaniyat masalalari boʻyicha Islom Hamkorlik tashkiloti (ICESCO) tomonidan “Butun dunyo bo‘ylab ochlikka qarshi kurashish maqsadida biochiqindilardan foydalanib oziq-ovqat mahsuloti ishlab chiqarish” mavzusida loyihalar tanlovi e’lon qilinadi.

• Tanlov o‘tkazishdan ko‘zlangan aniq maqsadlar:
• biologik chiqindilardan komponentlarni olish bo‘yicha mavjud turli xil usullarini tanqidiy tahlil qilish;
• innovatsion texnologiyalarni ishlab chiqish va/yoki samaraliroq va arzonroq bo‘lgan mavjudlarini takomillashtirish;
• biologik chiqindilardan olinadigan komponentlar asosida oziq-ovqat mahsulotlarini ishlab chiqarishni taklif qilish va ularning gigiyena va sanitariya sifatini ta’minlash.

Bunda amalga oshiriladigan asosiy vazifalar etib quyidagilar ko‘rsatilgan:

• turli komponentlarni ajratib olishning asosiy mavjud texnologiyalarini inventarizatsiya qilish va har birining kamchiliklarini ko‘rsatish;
• iste’molchilar salomatligiga zararli ta’sir ko‘rsatmaydigan innovatsion va qulay texnologiyalarni ishlab chiqish;
• ishlab chiqarilgan oziq-ovqat mahsulotlarining ozuqaviy qiymatini aniqlash;
• texnologiya va ishlab chiqarilayotgan mahsulotlarni ommalashtirish uchun strategiya ishlab chiqish.

Arizalarni (loyihalarni ilova qilgan xolda) qabul qilish muddati: 2023-yil 1-noyabrgacha

• Mukofot: 100 ming AQSh dollarigacha
• Mukofotlar quyidagi yo‘nalishlarda beriladi:

1. Yosh va ayol ixtirochilar;
2. Startaplar;
3. Muhandislik va biologik maktablar;
4. Student va yosh mutaxassislar.

* Tanlov va tashkilot to‘g‘risida batafsil ma’lumotlarni www.icesco.org veb-sahifasi orqali olish mumkin.

* Tanlov bo’yicha qandaydir savollar bo’lgan taqdirda contact@icesco.org electron manziliga murojaat qilish mumkin.