ZAHIRIDDIN MUHAMMAD BOBUR TAVALLUDINING 540 YILLIGI NISHONLANMOQDA

Mamlakatimizda buyuk shoh va shoir Zahiriddin Muhammad Bobur tavalludining 540 yilligini nishonlash tadbirlari davom etmoqda. Jumladan, O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi ekinlari navlarini sinash markazi xodimlari ham ushbu sanani munosib nishonlash uchun poytaxtimizda joylashgan Alisher Navoiy nomidagi Davlat adabiyot muzeyiga tashrif buyurdilar.

Markaz xodimlari muzeyda saqlanayotgan Alisher Navoiy, Zahiriddin Muhammad Bobur kabi allomalarimizning qo‘lyozmalari bilan tanishdilar. Ushbu maskanda markaz xodimlari tomonidan tashkillashtirilgan g‘azalxonlik tadbiri esa buyuklar she’riyatiga nisbatan cheksiz hurmat ifodasi bo‘ldi.

Qishloq xo‘jaligi ekinlari navlarini sinash markazining yosh iste’dodli xodimlari Go‘zal Azimova, Sherxon Sherboyevlar tomonidan o‘qilgan Bobur qalamiga mansub g‘azal va ruboiylar tadbir ishtirokchilarida unutilmas taassurot qoldirdi.