O‘zbekistonda agrovoltaikalar joriy etilishi mumkin

Agrovoltaikalar qishloq xo‘jaligi va quyosh energiyasining kombinatsiyasidir. Bu quyosh panellari ekinlarni yetishtirishga xalaqit bermasdan dalalarda yoki bog‘larda o‘rnatiladigan texnologiya hisoblanadi.

Davlatimiz rahbari tomonidan xalqaro tajriba asosida qishloq xo‘jaligi yerlarida mahsulot yetishtiruvchilar tomonidan o‘z ehtiyojlari uchun quyosh panellarini o‘rnatish va elektr energiyasini ishlab chiqarish — agrovoltaika amaliyotini joriy etish imkoniyatini o‘rganish va ushbu yo‘nalishni qo‘llab-quvvatlash bo‘yicha aniq takliflar kiritishga ko‘rsatma berildi.

Agrovoltaikalar fermerlar uchun bir qator afzalliklarga ega, jumladan:

1. Qo‘shimcha daromad manbai: Fermerlar quyosh panellari tomonidan ishlab chiqarilgan elektr energiyasini sotishlari mumkin.

2. Energiya xarajatlarini kamaytiradi: Fermerlar quyosh panellari tomonidan ishlab chiqarilgan elektr energiyasidan yorug‘lik, sovutish yoki sug‘orish texnologiyalarini qo‘llash kabi o‘z ehtiyojlari uchun foydalanishlari mumkin.

3. Tuproq sifatini yaxshilaydi: Quyosh panellari tuproqni shamol va quyoshdan himoya qilish orqali uning sifatini yaxshilashga yordam beradi. Bu esa o‘z o‘rnida hosildorlikning oshishiga olib keladi.

4. Ifloslanishni kamaytiradi: Quyosh panellari ekologik toza energiya manbai bo‘lib, hech qanday issiqxona gazlarini chiqarmaydi. Bu fermerlarga ekologik izlarini kamaytirishga yordam beradi.