Qishloq xo‘jaligi va oziq-ovqat sohasi iqtisodiyoti ilmiy-tadqiqot instituti

– Marketing tizimini rivojlantirish bo‘yicha ilmiy asoslangan taklif va tavsiyalar ishlab chiqish;

– jahon fani yutuqlari, ilg‘or tajribalarini o‘rganish va umumlashtirish, ulardan foydalanish bo‘yicha takliflar tayyorlash;

– qishloq xo‘jaligida tabiiy resurslardan foydalanish muammolarini o‘rganish, tahlil qilish va takomillashtirish;

– qishloq xo‘jaligida yer-suv resurslaridan foydalanish munosabatlarini takomillashtirish;

–  qishloq xo‘jaligida tuproq unumdorligini oshirishni rag‘batlantirish tizimi va mexanizmlarini takomillashtirish;

– qishloq xo‘jaligi va oziq-ovqat sohasida qo‘shimcha qiymat zanjirini takomillashtirish;

– mintaqa va hududlar bo‘yicha aholining oziq-ovqatlarga bo‘lgan talabini o‘rganish, talab va taklifni prognozlashtirish va uzoq muddatlarga mo‘ljallangan ssenariylarini ishlab chiqish;

– mintaqa va hududlar kesimida qishloq xo‘jaligi mahsulotlari yetishtirishda suv tejamkor va intensiv texnologiyalarni ishlab chiqish va amaliyotga joriy etish;

– mintaqa va hududlar kesimida qishloq xo‘jaligi ekinlari va dorivor o‘simliklar yetishtirish bo‘yicha namunaviy texnologik kartalarni ishlab chiqish, ularning elektron platformasini shakllantirish bo‘yicha taklif va tavsiyalar ishlab  chiqish;

– mustaqil tadqiqotchi yo‘nalishida ilmiy xodimlar tayyorlash va xodimlarning xorijiy davlatlarda tajribasini oshirishga ko‘maklashish;

– qishloq xo‘jaligi va oziq-ovqat sohasini rivojlantirishga bag‘ishlangan ilmiy-tadqiqotlar bo‘yicha qo‘llanmalarni chop etish, o‘z faoliyati yo‘nalishlari bo‘yicha ilmiy-amaliy konferensiyalar va seminarlar o‘tkazish;

– turli tashkilot, korxonalar va ilmiy-tadqiqot muassasalari, agrar soha taʼlimi tizimidagi o‘quv yurtlari tomonidan ishlab chiqarishga joriy qilish uchun berilgan taklif va tavsiyalar to‘g‘risida xulosalar berish;

– doktorlik dissertatsiyasi himoyasi bo‘yicha Ixtisoslashgan ilmiy kengashlar ishini tashkil etish va ilmiy ishlarga xulosalar berish.

Tomchilatib sug‘orish tizimlaridan foydalangan holda paxta xom ashyosini ishlab chiqarish va mashinalar yordamida yig‘ib olish bo‘yicha namunaviy texnologik kartalar (2019-2023-yillar uchun) ishlab chiqildi;

Dorivor ekinlar va shifobaxsh o‘simliklarni yetishtirishda mehnat va moddiy resurslar sarfi va namunaviy texnologik kartalar ishlab chiqildi;

“UZBAT A.O.” qo‘shma korxonasi bilan hamkorlikda 2 ta ilmiy-texnikaviy ishlanma amalga oshirildi, tamaki sotib olish narxlarini 44% va 33% oshirish zarurligi asoslandi va joriy etildi;

Jahon bankining “O‘zbekiston Respublikasida chorvachilikni rivojlantirish” va “O‘zbekiston Respublikasida meva-sabzavotchilik tarmog‘ini rivojlantirish” loyihalari mablag‘lari hisobiga tashkil etilgan ishlab chiqarish tizimining iqlim o‘zgarishiga moslashganlik holati tadqiq etilib, iqtisodiy-ekologik baholandi;

“Qishloq xo‘jaligi tovar ishlab chiqaruvchilarga xizmat ko‘rsatuvchi “Axborot-konsalting markazi”ni tashkil etish va faoliyatini yuritish bo‘yicha tartib”, “Qishloq xo‘jaligi tovar ishlab chiqaruvchilarga xizmat ko‘rsatuvchi “Tara-qadoqlash xizmati” shaxobchalarini tashkil etish va faoliyatini yuritish bo‘yicha tartib”, “Qishloq xo‘jaligiga transport xizmat ko‘rsatish bo‘yicha tartib”lar ishlab chiqildi;

Tog‘ va tog‘oldi qishloq xo‘jaligini rivojlantirishning tashkiliy-iqtisodiy va meʼyoriy huquqiy asoslarini takomillashtirish bo‘yicha takliflar ishlab chiqildi.

2020-yilda ilmiy xodimlar tomonidan xorijiy jurnallarda 14 ta, mahalliy jurnallarda 24 ta, “WoS” va “Scopus” bazasidagi xalqaro nashrlarda 3 ta ilmiy maqola, xorijiy va mahalliy konferensiyalarda esa 25 tadan ortiq tezislar chop etilgan. Shuningdek, institut olimlari tomonidan 3 ta monografiya chop etilgan va 7 ta taklif vazirlik va idoralarga amaliyotga joriy etish uchun qabul qilingan.

Yuqori malakali kadrlarni tayyorlash maqsadida 2020 yilda 3 ta falsafa doktori (PhD), 1 ta fan doktori (DSc) tayyorlandi.

“O‘zbekistonda iqlim o‘zgarishiga moslashgan qishloq xo‘jaligi faoliyatini baholash” mavzusida ilmiy-tadqiqot olib borish;

“Hududlarni ijtimoiy-iqtisodiy rivojlanishini baholash hamda resurslardan samarali foydalanish va barqaror bioxilmaxillikni taʼminlash” mavzusida ilmiy tadqiqot olib borish;

“Qoraqalpog‘istonning qurg‘oqchil tumanlarida chorvachilik sohasi va ozuqa bazasini rivojlantirish” mavzusidagi ilmiy tadqiqotni amalga oshirish;

“O‘rta Osiyo va Janubiy Kavkaz (CAC) qishloq xo‘jaligida lider-ayollar (CAWLA) dasturi salohiyatini o‘rganish bo‘yicha tadqiqot” mavzusidagi ilmiy tadqiqotni amalga oshirish;

Qishloq xo‘jalik ekinlarini parvarishlash va mahsulot yetishtirish bo‘yicha namunaviy texnologik karta ishlab chiqish;

Qishloq xo‘jalik mahsulotlari yetishtirishda talab etiladigan mehnat va moddiy resurslar sarfi meʼyorlarini asoslash;

Qishloq xo‘jaligida suvni tejaydigan texnologiyalarni joriy etishni rag‘batlantirish samaradorligini oshirish bo‘yicha tavsiyalar ishlab chiqish;

“Kinoa” va “Amarant” ekinlarini parvarishlash va mahsulot ishlab chiqarish bo‘yicha namunaviy texkartani ishlab chiqish;

Innovatsion texnologiyalarga asoslangan “Aqlli” qishloq xo‘jaligini rivojlantirish iqtisodiy samaradorligini oshirishning ilmiy-nazariy asoslarini ishlab chiqish va boshqalar rejalashtirilgan.

Direktor: Farmanov Tulqin Haitmurodovich
Manzil: O‘zbekiston Respublikasi, Toshkent viloyati, Qibray tumani, “Universitet” ko‘chasi, 2-uy
Telefon: (+99871) 206-52-30
Faks: (0371) 260-52-30
Elektron pochta: qxiiti@agro.uz
Sayt: qxiiti.uz