Xalqaro qishloq xo‘jaligi universiteti faoliyati muhokama qilindi

Bugun Xalqaro qishloq xo‘jaligi universitetida Qishloq xo‘jaligi vaziri o‘rinbosari Alisher Shukurov hamda Xalqaro qishloq xo‘jaligi universiteti vakillari o‘rtasida uchrashuv bo‘lib o‘tdi.

Uchrashuv avvalida vazir o‘rinbosari A.Shukurov tomonidan Xalqaro qishloq xo‘jaligi universitetining O‘quv ishlari bo‘yicha prorektori vazifasini bajaruvchi lavozimiga Behzod Egamberdiyev tayinlangani ma’lum qilindi.

Alisher Shukurov o‘z navbatida universitetning O‘zbekistondagi muhim rolini yuqori baholab, so‘nggi o‘n sakkiz oy ichida ta’lim sifati va xalqaro hamkorlik sohasida erishilgan sezilarli yutuqlarni alohida qayd etdi. Jumladan, joriy yilning mart oyida talabalarni Xitoyga jo‘natilishi o‘zbekistonlik talabalar uchun tajriba maydonchasi bo‘lib xizmat qilishi ta’kidlandi.

Shuningdek, vazir o‘rinbosari Xalqaro qishloq xo‘jaligi universiteti faoliyati doimo qo‘llab-quvvatlanishini aytib, universitet tomonidan aprel oyida o‘tkaziladigan “Hayot fanlari” festivali xususida so‘z yuritdi va festivalning yuqori saviyada o‘tkazilishida vazirlik tomonidan ham tomonlama ko‘mak berilishi  ma’lum qilindi.